بنافت

بایگانی
آخرین مطالب
پربیننده ترین مطالب

نِنا نِشا کِنده، وَچه وِنه دوش
بَهیته تیل دِتا لینگ تا وِنه گوش
کَمِرِ تا بوسته، بهییه کَمون 
بسوته دیم جه عرق کَشِنه روش 
نِنای ناف بَوْری بَهییه با کار 
زِوون نَگِردِنه، بارِم وِنه زار
ترجمه فارسی
مادر بچه‌اش را کول کرد، مشغول نشا برنج است 
گل از پنجه پاها تا گوش او را فرا گرفته است 
نخاع کمرش آسیب دید مانند کمان شد 
از صورت آفتاب سوخته‌اش عرق  می‌ریزد 
ناف مادر را در هنگام تولد با کار بریدند
زبانم بند آمده است نمی‌تواند از سختی‌هایش بگوید 

📝 دوستعلی علیخانی/ اردیبهشت ۱۴۰۰

۰ نظر موافقین ۰ مخالفین ۰ ۱۴ ارديبهشت ۰۰ ، ۲۲:۳۳
دوستعلی علیخانی

🌺 این روزا دِدونگه‌ی گِل و گِلابِ بو همه جا ره خِش بو هاکِرده🌹
مه لتکای گِلِ سوری وا بَیّه
بَوین نازنین پاپلی پا بَیّه
شه صدا ره بِلبِل مِسته سَر هِدا
مِنه خستگی فوت و فِنا بَیّه

ترجمه فارسی
گل سوری باغچه‌ام باز شد
ببین؛ پروانه نازنین همراه و همدم گل شد
بلبل با صدای بلند برای من آواز خواند
خستگی از وجودم، نیست و نابود شد 

📝 دوستعلی علیخانی/ اردیبهشت ۱۴۰۰

 

۰ نظر موافقین ۰ مخالفین ۰ ۱۴ ارديبهشت ۰۰ ، ۲۲:۲۹
دوستعلی علیخانی

 

💐 نِنا جان ته روز مِوارک
💐 عمر با عِزِّت داری

ننا تِره ویمبه، روح تازه وونه
مه دلِ غم، ته دست جه سازه وونه 

مه دوشتره، خالی کِندی از سختی
کِمین تا گِل، تِنه اِندازه وونه 

ترجمه فارسی
مادرم تو رامی‌بینم، روح و روانم تازه می‌شود
غم و اندوه قلبم با دست تو جارو می‌شود
کوله‌‌ام را از سختی‌ها خالی می‌کنی 
کدام گل‌، حد و اندازه‌ی تو می‌شود 

📝 دوستعلی علیخانی/ بهمن نود و نه

۰ نظر موافقین ۱ مخالفین ۰ ۱۵ بهمن ۹۹ ، ۱۸:۳۵
دوستعلی علیخانی

چه وه بامشی ره هِدائی چِشْته 

ته تَنِ گوشت ره کَنده وه رِخْته

اگه وِنه چِشْته ره په نَهیری

ته ریش خَندِنه، اِشکِندِنه پِسته

ترجمه فارسی
چرا به گربه عادت غیر متعارفی دادی 
حالا پشت سر هم گوشت بدنت را می‌کند
چنانچه این عادت را از او سلب نکنی
به ریشت می‌خندد، و خوشحال می‌شود 

📝 دوستعلی علیخانی/ دی نود و نه

۰ نظر موافقین ۰ مخالفین ۰ ۱۹ دی ۹۹ ، ۰۸:۳۶
دوستعلی علیخانی

❄️این روزا که هِوا سرد بَیّه، خِلِ بِنِ سیب‌زمینی خَله چَسبِنه. 
بَلِد نینی دِرست هاکِنین؟ 
شِما ره یاد دِمبه.

🔥 اَبّل اَتّا کَشه خِشکِ چو ره تَش هاکِنین
🔥 هر گِدر چو، اَنگِشت بَیّه
🔥 اَنگِشت ره پِئی هادین 
🥔 سیب‌زمینی ره خِلِ بِن دَکِنین 
🔥 خِلِ سر ره اَنگِشت دَکنین 
⏰ اَتی لس هادین
🥔 تا سیب‌زمینی مغز پخت بَووشه
🔥 وِره خِلِ بِن جه در بیارین
🍽 اِسا نوش جان هاکِنین 

👩👨 دِدا جان، گَگِه جان، مازرونی گب بَزِنین
دستی دستی این زِوون ره نَکوشین 
❤️ شِمه دل خِشی مه ارمون💐
📝 دوستعلی علیخانی/ دی ۹۹

۰ نظر موافقین ۰ مخالفین ۰ ۰۴ دی ۹۹ ، ۲۳:۱۰
دوستعلی علیخانی

 

ته گِذر فَرش هاکِردِمه دارِ خال

ته وه بِبافتِمه زرد و سِرخِ شال
  
ته خاطِر هر چی غم، هاکِردِمه چال 

نَدومبه اَئی مِره چه بِهِشتی قال

ترجمه فارسی
مسیر حرکت تو را با برگ درخت فرش کردم
برای تو شال زرد و سرخ رنگ بافتم 
به خاطر تو تمام غم‌ و غصه‌هایم را دفن کردم
نمی‌دانم چرا دوباره منتظرم گذاشتی و نیامدی
📝دوستعلی علیخانی 

۰ نظر موافقین ۰ مخالفین ۰ ۰۴ دی ۹۹ ، ۲۳:۰۷
دوستعلی علیخانی

🔴 کچیله نون

◀️ کچیله؛ زمانیکه با تبر چوبی را ضربه می‌زنیم تکه‌های کوچکی از چوب به اشکال مختلف تولید می‌شود به این تکه‌های چوب در زبان تبری کچیله می‌گویند.
به همین دلیل مازندرانی‌ها به نانی که شبیه کچیله باشد، کچیله نون می‌گویند. 

◀️ طرز تهیه کچیله نون
با آرد، شکر، روغن، شیر، تخم مرغ و زرد چوبه خمیر درست کنید.
وقتی خمیر وَر آمد آن ‌را به صورت قطعات کوچک و اشکال مختلف در بیاورید. سپس در تنور بپزید.
📝 دوستعلی علیخانی

۰ نظر موافقین ۰ مخالفین ۰ ۰۴ دی ۹۹ ، ۲۳:۰۴
دوستعلی علیخانی

🍀 تقدیم به کارگران مازندرانی که در این روزهای سرد مشغول کندن میوه مرکبات هستند.

زنبیل مه دوش، لو شومبه پِتِّخال دار

هوا سرد هَسته دَس لینگ بَیّه کَتار

دار دَکِتِمه، لینگ بَیّه رگ به رگ
 چِتی جَوه ره نیسون بِزِنِم بار 

ترجمه فارسی
زنبیل را روی شانه‌ام می‌گذارم و بالای درخت پرتقال می‌روم
هوا سرد است دست و پایم کرخت شدند
از روی درخت افتادم، رگ پایم آسیب دید 
حالا چطوری جعبه‌ها را بار نیسان کنم 

📝 دوستعلی علیخانی 

۰ نظر موافقین ۰ مخالفین ۰ ۰۴ دی ۹۹ ، ۲۳:۰۲
دوستعلی علیخانی

🔴 اِنار تیم 

 

⭐این روزا کدبانوهای مازرونی مشغول دون هاکِردن تِرش اِنار هَستِنه. 
تِرش اِنار ره تِرشی پَجنّه یا وِره خِشک کِنّه یا وِره فریز کِنّه.
اِنار تیم در خَله از غِذاها به عنوان چاشنی استفاده وونه. 
اَتّا از غذای خِشمِزه که با اِنار تیم دِرِست وونه « پیاز اِنار تیم » هَسته.

 

🔴 پیاز اِنار تیم چِتی دِرسِت وونه ( چار نفر وِسته) 

🔽اَتّا یا دِتا بِنه پیاز ره رِز کِمبی 
🔼وره رِغون دِله سِرخ کمبی 
🔽اَتا پیاله ماست خاری انار تیم ره به پیاز اضافه کمبی
🔼بعد وره تفت دِمبی 
🔽اَتّا قاشق رب گوجه اضافه کمبی
🔼اِنار تیم و رب‌گوجه هِئی ره بَئی تِنه دِتا لیوان او اضافه کِمبی 
🔼اَتی جوش بَخِرده، نمک، گَرماری و زردیجه اضافه کِمبی 
🔼چَن دَقه جوش بَخِردپه دِتا کَچه شکر اضافه کِمبی 
🔼آخر سر هم دِتا کَچه بَسوسته اَغوز اضافه کِمبی
🔽بعد از چَن تا جوش بخردن لَوه ره بِنه اِلِمبی
🔼بعد وِره با پِلا نوش جان کِمبی 

 

🍀«اَگه روزی چَن کَش مازرونی گب بَزِنیم این زِوون نَمی‌یِرنه»
نویسنده:  دوستعلی علیخانی / مهر نود و نه

۰ نظر موافقین ۰ مخالفین ۰ ۲۲ مهر ۹۹ ، ۰۹:۱۱
دوستعلی علیخانی

دل گب گالش جوون

گالشی کِمبه مِن کوه و مازِرون            
دَست دراز نَکِمبه پیشِ دیگِرون 

صِواحی وا نِدا خو جه وومبه راست
مَنگو ره دوشِمبه شیر ره زَمبه ماست 

گو ره دیم کِمبه،  تِلِم ره دِمبه پَر
کَره گِرمه دو ره وَرمه نِفار سـَر 

خالِک گوگ ره تیمار کِمبه دِمبه ناز 
وِنجه گب زَمبه گومبه شه دلِ راز
 
مِرس و مَمرِز لو شومبه گِرمه چَرده    
دست ره تور بَزومه بِشکِسته دَنده  

مه دست و لینگ همه توره نِشونه
بووِر کِنّی لیسانس شِم جه سِرونه

هر کی ره عاشق بیمه باهوته نا 
گونّه شهری بَوّی، حَتمِن گومبی خا

میون دِرائی هاکِردِمه گیر 
گالشی یا شهری، دل بَزونه تیر

رَخِفون بَوینین مه حال و کار ره 
چِکِل چَنده خارِک باته مه زار ره 

شاعر:  دوستعلی علیخانی 

۰ نظر موافقین ۰ مخالفین ۰ ۱۲ مهر ۹۹ ، ۱۳:۲۷
دوستعلی علیخانی


کرچال

نِنا ته کِرچال و کار، یاد نَشونه
ته قلب سونِ دشت لار،یاد نَشونه

گِلیج وِفتی لَته‌لَته، وَل‌تیرمه
ته سختی کَشی زِوار،یاد نَشونه

پَشِلوار و چوخا ره وِفتی دَرقِد 
ته دست سون کولِ دار،یاد نَشونه

ته همدم بینه کِلاف‌چین و شونسر
ته دل کرچال شییه نار، یاد نَشونه

بَوِرده لینگ لَتی ته لینگِ اَنگوست
ته کار نَدونِستی عار، یاد نَشونه

کِلِک ره تخته سر لینگ جه یاردی سو
ته کار هَمِش دَیّه بار، یاد نَشونه

چَلِ دسته جیج هاکِرده ته اَنگوست
ته چش کم سو بَیّه و تار، یاد نَشونه

مَکو و شونه دوش بَزونه بِنه
ته گِردِن دردِ دِچار، یاد نَشونه  

نِنا بییه سون بَوْرْ، قِد بَیّه توم
ته بِنه در شونی مار، یاد نَشونه

شاعر: دوستعلی علیخانی/ تیر نود ونه

توضیحات
کرچال: دستگاه بافندگی🔴 لار: نام دشتی وسیع در آمل 🔴 گلیج: جاجیم🔴 لته‌لته/ ول تیرمه: نام نقشه‌های جاجیم 🔴 زوار: به تنهایی 🔴 پشلوار: شلوار پشمی 🔴 چوخا: کت پشمی🔴در قد: با دقت🔴 سون کول‌دار: مانند پوست درخت🔴 کلاف چین: وسیله کلاف کردن نخ🔴 شونسر: وسیله باز کردن پشم🔴 
لینگ‌لتی: ابزاری در دستگاه بافندگی🔴 انگوست: انگشت🔴 کلک: نوعی کت پشمی 🔴 چل: دستگاه ریسندگی 🔴 جیج: نازک 🔴 مکو: ابزار بافندگی 🔴 شونه: شانه/ ابزار بافندگی🔴 دوش بزونه بنه: پشتت را به زمین زدند🔴 بَور: ببر 🔴 ته بنه در شونی مار: یعنی انگار داری داخل زمین فرو
می‌روی

۰ نظر موافقین ۰ مخالفین ۰ ۱۲ شهریور ۹۹ ، ۱۸:۴۵
دوستعلی علیخانی

🍀 کِکوی گوشک

☘ چِتی دِرِست هاکِنیم؟

🌱 نیم کیلو گوشک ره اوپِت هاکِنین.
وِره آبکش هاکِنین تا وِنه او بوره. 
وِره چرخ هاکِنین یاچَقو جه رِز رِز هاکِنین.
اَتّا بِنه پیاز ره رَنده هاکنین وِنه دِله دَکِنین.
بعد چار تا کِل مِرغِنه ره به وه اضافه هاکِنین. 
اَتّا کَموک آرد اَلِک بَئی ره وِنه رو بِپاشین.
اَتی نِمک، گرم‌داری و زَردیجه هِم اضافه هاکِنین.
وِره خوبِش هِئی بَزِنین.
کِله ره تَش هاکِنین و ماتابه‌ی دِله اَتی رِغون دَکِنین.
ماتابه ره کِله سر بِهِلین.
وقته رِغون داغ بَیّه، مواد آماده ره گِرد یا چارگوش در بیارین.
بعد وِره ماتابه‌ی دِله سِرخ هاکِنین.
« یا بِتونی مواد ره یکسره ماتابه دله دَکِنین بَپِته بِرش بَزِنین. »
اَتّا کَموک بِگذِشته وِره پِش دیم هاکِنین. 
هر دِوَر  وقته سِرخ بَیّه وِره نوش جان هاکِنین.
🍀«اَگه روزی چَن کَش مازرونی گب بَزِنیم این زِوون نَمی‌یِرنه»
 
 نویسنده: دوستعلی علیخانی / شهریور نود و نه

۰ نظر موافقین ۰ مخالفین ۰ ۰۵ شهریور ۹۹ ، ۱۳:۵۷
دوستعلی علیخانی

🔲چو پِل در مازرون 

🔽چِن سال دِمبال‌تر اون ماقع که پِل آهِنی یا سیمانی وِجود نِداشته مَردِم با سختی روخنه جه رَد بینه که خَله خطر داشته. حتی آدِمها و وِشون مال ره او وَرده همین وِسته به فکر چوپِل بِساتن دَکِتِنه.

🔳 چِتی چو پِل ساتِنه؟ 

🔹 اَبّل اِستا کارا با کومِک مَردِم دِطرف روخنه ره پایه زونه. اگه جایی سنگ گتی دَیبو وِره بعنوان پایه‌ی پل استفاده کردنه.

🔹اگه گت سنگ دَنی‌بیبو دِطرف روخنه ره چوکَل وَندِستنه یا پرچیم کِردنه بعد ونه دِله ره با سنگ چینه زونه تا پایه‌ی پِل شکل بَیره. 
🔹بعد از این مَرِله دِتا پایه‌ی سر ره، دِتا تنه‌ی داری که بِلِند و کِلفت بییه اِشتنه. قسمت بالای تنه‌ی دار ره جِفت هم تخته یا گردِ چو زونه تا صاف بَوّه و رِحات وِنه سر جه یِر و یور هاکِنن.

🔳 الان از چو پِل کمتر استفاده وونه. چو پِل تا اَبّل دهه پنجاه بر روی خَله از روخنه‌های مازرون دَئییه اِسا وِشونه جا پِل آهنی و سیمانی بِسات بَیّه.

🌟« گَگه جان، دِدا جان؛  مازرونی گب بَزن تا این زِوون نَمیره »
 
📝 دوستعلی علیخانی/ مرداد نود ونه

۰ نظر موافقین ۰ مخالفین ۰ ۳۱ مرداد ۹۹ ، ۰۹:۳۳
دوستعلی علیخانی

🔳 انجیر مازِرون

اَلان اِما انجیر پَجه ماه‌ِ دله دَرمی. هر جای مازرون بوری این میوه‌ی خِشمِزه ته چِش مِقابِل دَره. بَپِته انجیر ره وَقته دارِ سر جه بَچینی بِتونّی در جا نوش جان هاکنین یا وِره خِشک هاکنین.

🔲 چِتی انجیر ره خِشک هاکنیم: 

🔵 راه اَبّل: بَپِته انجیر ره بَشورین، آبکش هاکِنین تا وِنه او بَچکِله، درزِن ره تا دَکِشین، درزِن و تا ره هَش ده تا انجیر میونه جه رَد هاکِنین، وقته تا بَکشی بَیّه دِسَرِ تا ره گِر بَزِنین، سه روز وِره اِفتاب دِله بِهِلین، وَقته خِشک بَیّه وِره اتّا جای دِله دَکِنین بعد وِره استفاده هاکِنین.

🔴 راه دِیُّم: بَپِته انجیر ره بَشورین، آبکش هاکِنین تا وِنه او بَچکِله، اَتّا کَموک وِره آرد بَزِنین بعد وِره دِلاپه هاکِنین، وِره سینی دِله دَچینین بعد اِفتاب مِقابِل بِهِلین، سینی سر ره اتّا پارچه توری بِهِلین تا پشه و ماز انجیر رو نَنیشه، دِ سه روز اِفتاب دله دَوّه، نماشتر سینی ره خنه دِله بیارین اَئی صِوی وِره اِفتاب هادین. 
انجیر ره پَل پلی هاکِنین تا دِ طرِفِش خِشک بَوّه، وقته انجیر پیروک هِچییه و خِشک بَیّه وِره جای دِله دَکِنین بعد استفاده هاکِنین. 

نویسنده:  دوستعلی علیخانی

۰ نظر موافقین ۰ مخالفین ۰ ۳۱ مرداد ۹۹ ، ۰۹:۳۰
دوستعلی علیخانی

مِش‌بَند چه چی هسته؟

زمونی که چپون گسفن ره وَرنه کوه بعضه شوها نتونده به خِل بردَگِرده همین وسته اَتّا مِکام پی‌دا کِنده شو ره همونجه سر کِنده.
بعضه ماقع نصف شو رمه حرکت کِنده. چون چپون خسته و بَخته هسته شاید ملتف حرکت رمه نَووشه و احتمال اینکه رمه تَلِف بَووشه خله زیاد هسته. 
همین وسته اَتّا گسفن قوی ره دستی کِنده یعنی وره با دست خِدِش خِراک دِنه.
چپون ماقعی که خوانه بَخسه این گِسفن ره صدا زَنده، وِره اَتّا تیکه نون دِنه بعد با رَسن پشمی اَتّا سر رسن ره گسفن چَک، اَتّا سر دیگه ره شه لینگ وَندنه. 
اَگه رمه شو حرکت هاکنه اون گسفن بخاطر اینکه تینار نووشه تِقلّا کِنده تا رمه‌ی طرفی بوره. زمونی که رمه‌ی وری شونه بخاطر رسن چپون لینگ بَکِشی وونه و وه بیدار وونه و متوجه حرکت رمه وونه.    

دوستعلی علیخانی/ تیر نود و نه

۰ نظر موافقین ۰ مخالفین ۰ ۲۳ تیر ۹۹ ، ۱۳:۴۳
دوستعلی علیخانی