شِکوه خاله

اخیرا سایت سادوا مطلبی تحت عنوان « به یاد پیر شکوه، خاله مهربان بالاده در روزگار گذشته» منتشر کرد. با خواندن سرگذشت پیر شکوه خاله یادی از تمامی پیر شکوه های روستاهای ییلاقی استان مازندران کردم. چون سرگذشت همگی در بسیاری از موارد شبیه به هم است.به همین دلیل نکاتی را به نثر و نظم در آورده ام انشاالله که مقبول بیفتد.

سلام شکوه خاله، دومبه ته جا اون دنیا خله خارک جا هسته، چون قلب گت و مهرونی داشتی. ته و امثال ته بوردنی، اما حقیقتا اما شه اصالت ره گوم هاکردمی، ندومبی روستایی هستمی یا شهری، ازه وقت حال و هوای روستا امه سر زنده، شومبی سمت مله، ازه وقت هم زرق و برق شهری امه چش ره گرنه و امبی شهر وری. اگه اجازه هادی اتا پیروک خوامبه ته جه گب بزنم و درد دل هاکنم ولکه سوک بووشم.

ته بوردی گهره بوهرده انباری	Te burdi gahre buherde enbari
ونه جا بمو ننوی فرنگی	Vene ja bemu nanuye farengi
ته بوردی وچون نکنه اغوز کا	Te burdi vachun nakene aghuz ka
اسا رسم بیه کلش اف کلنز کا	Esa rasm baye clash of clans ka
ته بوردی سنجه کلاغی توم بیه	Te burdi senje kelaghi tum baye
چیپس و چیپلت وچه های شوم بیه	Chips a Chiplet vache haye shum baye
ته بوردی گو و گسفن بینه فنا	Te burdi gu o gesfen bayne fena
چون ویلادارون امجه کنه دعوا	Chun villa darun amje kenne dava
ته بوردی گونه پندیرخیک دنه بو	Te burdi gunneh pandir khik dene bu
شهری پندیر سفره سر هدا اِ سو	Shahri pandir sefre sar heda su
ته بوردی چو کل تک بیه کناری	Te burdi chu kel tek baye kenari
ریموت جه در ره واز کنه دیاری	Remote je dar re vaz kenneh diari
ته بوردی تش هاکردنه چو صنداق	Te burdi tash hakerdeneh chu sendagh
ونه جا سر بهشتنه گو صنداق	Vene ja sar beheshtneh gu sendagh
ته بوردی رق بدانه گلی خنه	Te burdi regh bedaneh geli khene
اسا رسم بهییه آجری خنه	Esa rasm bahie ajori khene
ته بوردی لاستیک کلوش ره نکنه	Te burdi lastic kalush re nakene
کاب بلن کفش و تک تکی پوشنه	Kab belen kafsh o tak taki pushenneh
ته بوردی چل و کچال بورده کنار	Te burdi chal o kechchal burde kenar
رخت خرینه اسا از چینی بازار	Rakht kharine esa az chini bazaar
ته بوردی چوخا پشبال دم بدانه	Te burdi chukha pashbal dem bedane
شلوار فاق کتا شه تن دکردنه	Shelvare fagh keta she tan dakerdneh
ته بوردی چراغ موشی بیه خاموش	Te burdi cheragh mooshi baye khamush
برق بمو، ده لمپا بیه فراموش	Bargh bemu da lampa baye feramush
ته بوردی له بدانه گت اغوز دار	Te burdi le bedane gat aghuz dar
اغوز روشا هم  دیگه بورده کنار	Aghuz rusha ham dige burde kenar
ته بوردی قطع بهییه آمد و شد	Te burdi ghat bahie amed o shod
اینستا و وایبر، اسا بیه مد	Insta o viber esa baye mode

 

معانی بعضی از لغات

مازندرانی	فارسی	مازندرانی	فارسی	مازندرانی	فارسی	مازندرانی	فارسی
شکوه خاله	خاله شکوفه	دومبه	می دانم	خارک	خوب	پیروک	کم
گت	بزرگ	گوم	گم	ازه	بعضی	گب	حرف
سوک	سبک	ته بوردی	تورفتی	ولکه	بلکه	گهره	گهواره
بوهرده	رفت	وچون	بچه ها	اغوز کا	گردو بازی	اسا	الان
بیه	شد	سنجه کلاغی	سنجد	توم	تمام	شوم	شام
گو	گاو	گسفن	گوسفند	فنا	نیستی	چو کل تک	کلید چوبی
واز	باز	چو صنداق	صندوق چوبی	تش	آتش	بهشتنه	گذاشتند
گو صنداق	گاو صندوق	رق	خراب	گلی خنه	خانه ی گلی	لاستیک کلوش	کفش پلاستیکی
کاب یلن	پاشنه بلند	چل	دوک نخ ریسی	کچال	دستگاه بافندگی	رخت	لباس
چوخا	نوعی کت	پشبال	نوعی شلوار	دم بدانه	انداختند	ده لمپا	نوعی چراغ
له بدانه	خراب کردند	اغوز دار	درخت گردو	اغوز روشا	چوب مخصوص کندن گردو	کتا	کوتاه