بنافت

آخرین مطالب
پربیننده ترین مطالب

چله شو(شب یلدا)

يكشنبه, ۲۹ آذر ۱۳۹۴، ۰۶:۱۸ ب.ظ

 این روزا همه جای دهستون بنافت، از صحرا بَهیر تا ویشه و چِکل مَشتِ ورف هسته. همه جا انگار یک جور بییه، دِرنگی و چَن رنگی کنار بورده و همه شه تن اسپه رخت دَکِردنه و هِئی مونا بَینه. روزای آخر پئیز آفتاب ره کمتر آسمون دِله ویمبی، بخاطر اینکه کِتاتِرین روزای سال همین ماقع هسته.


آفتاب وقته لس لس کوه پِشت مار بورده، بَدیمه یلدا هم همه واری شه تن، اِسپه رخت دَکرده، با دِتا زنبیل مَردِم سِره وری بورده. وِنه پِش سر راه دَکتمه. اولین خنه ی دَر ره بزوئه. صاب خنه بریم بمو، بعد از سلام و احوالپرسی، یلدا اَتّا زنبیلِ دله جه هندونه و اِنار، اَتّا دیگه جه آجیل و شینّی در بیارده صاب خنه ره هدائه.

وقته صاب خنه چش و مه چش هِئی دَکته، مِره فَرما بزو، مِن هِم وِنه دعوت ره قبول هاکردمه و بوردمه خِن دله. بدیمه خنه مَشتِ آدم هستنه. اَره، خَله خارک بفهمستی، اَمشو چله شو (شب یلدا) بِلن ترین شو سال هسته. همه بِمونه شه گت پییر و گتِ ماره سره، گت گتِ ها کرسی دور نیشتبینه و خُرد خُردها هم دَینه کا کِردنه. همه تِک مَشتِ خنده بیی و خِشالی کردنه، حوسنی گوتنه، شاهنامه خوندستنه، هندونه و آجیل خِردِنه، چیستان گوتنه تا بِلن ترین شو سال ره به صواحی امید و روشنایی بَرسندِن.

چنده خارک رَسم هسته چله شو، به دیدار بزرگون بوهردن و وشونّه یاد هاکردن.

چله شو موارک – یلدا مبارک

منبع عکس: اینترنت


موافقین ۰ مخالفین ۰ ۹۴/۰۹/۲۹
دوستعلی علیخانی

شب یلدا

چله شو

نظرات  (۰)

هیچ نظری هنوز ثبت نشده است

ارسال نظر

ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">