بنافت

آخرین مطالب

شونیشت دودانگه

سه شنبه, ۲۹ تیر ۱۳۹۵، ۱۰:۰۹ ق.ظ

اشون من و مه ریکا بوردمی شونیشت دودانگه‌ای‌های بزرگوار در ورزشگاه شهید متقی ساری.

این شونیشت توسط فرمانداری ساری و بخشدار دودانگه و علاقه‌مندان به فرهنگ بومی و محلی مازرون تدارک بدی بییه.

اتا از ویژگی خله گت این شونیشت ایجاد روحیه شادی و نشاط در مردم بییه. مردمی که از کار روزانه خلاص بینه اسا نیاز داشتنه اتا جور رفع خستگی هاکنن، مه نظر این اتفاق دکته چون گروه‌های مختلف موسیقی که همه هم دودانگه‌ای بینه با هنر خوبشون مردم دل ره شاد هاکردنه. دستشون درد نکنه.

ویژگی دیگه این شونیشت این بییه که مردم سر یکجا جمع بییه و شه خله از دوست و رفقا ره بدینه و دیدار تازه بییه. چن تا از شاگردهای بیست و هف هش سال پیش تن بمونه و شه خد ره معرفی هاکردنه و همدیگر ره کش گیرون هاکردمی مسته خله خجیر بییه.

ویژگی دیگه این شونیشت تقدیر از پیش کسوتان شعر و لله وا بییه. از استاد حسینعلی طیبی و استاد محمدعلی کاظمی اون هم در زمون حیاتشون تقدیر بییه که مسته خله جالب بییه چون بعضی وقتا اما مرده پرستی کمبی !؟طرف بمرده تازه ونه قدر ره دومبی و متوجه وومبی که چه شخصیت والایی داشته.

این دتا استاد با توجه به کهولت سن به عشق مردم هنرنمایی هاکردنه. استاد طیبی لله وا بزو و استاد کاظمی هم ونه همراه شعر معروف چکل ره باز خوانی هاکرده و مردم ره سر ذوق بیادرنه. خدا جه خوامبه عمر با عزت دارن. 

اتا دیگه از ویژگی‌های این شونیشت غرفه‌هایی بییه که در اطراف ورزشگاه وجود داشته. مردمون روستاهای دودانگه، چهاردانگه، کلیجان رستاق و بخش مرکزی شه قابلیت‌ها را به دیگرون نشون هدانه. مردم ره خله خش بمو و استقبال هاکردنه.

آخر سری از همه‌ی دست اندرکارون ممنون دارمه. شمه خنابدون.

استاد طیبی و استاد کاظمی از مفاخر استان و دودانگه 

گروه موسیقی دودانگه 

( از روستاهای دادوکلا، سنگده، رسکت، کتریم، درزیکلا)

بقیه عکس ها ره در کانال تلگرام benaft11@ بوینین.


موافقین ۰ مخالفین ۰ ۹۵/۰۴/۲۹
دوستعلی علیخانی

دودانگه

نظرات  (۰)

هیچ نظری هنوز ثبت نشده است

ارسال نظر

ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">