بنافت

آخرین مطالب

باربارنگ کا (بلبرینگ بازی )

جمعه, ۹ مهر ۱۳۹۵، ۰۱:۵۶ ب.ظ

پِچوک بیمی کاهای جور و واجور کِردمی. اَتّا از کاها باربارنگ کا بییه. صِوی ناشتایی بَخِرد

 نَخِرد باربارنگ ره گیتمی و با رَفِقا شیمی مَلِه تَن، جایی که سَرجِر بیبو، مِثلِ سَرجِری یا کِرِ بال دَرِه یاحَمبوم بِن که اَلان اَمِه باغ و آقای اصغرپور باغ هسته، سورسوره کا کردمی.

بار بارنگ سواری هم عالِمی داشته. باربارنگِ کِرِ لو اِشتمی وِنه سَر سِوار بیمی با سرعت به سمت پایین شیمی. برگشت وِستِه باربارنگِ دوش هایریم و قِت قِت بَکِنیم و وِرِه بالا بیاریم. 

بَعضِ وَقتا دِتَرکِه یا سِه تَرکِه هِم سِوار بیمی. بَعضِ وَقتا هِم باربارنگ ها ره کنار هم قِرار دامی و مسابقه دامی.

بیچارون مارون اَمِه دَست اَسیر بینه. هَر روز یا اَمِه شِلوار پاره بییه یا جِمه یا اَمِه تَنُ و پِه زخمی بییه.مارون اَضِه وَقت اِماره نَصِیت کِردِنه، اَضِه وَقت زونه، اَضِه وَقت باربارنگِ جا دانِه. 

با این وَضِیت، اِما خَلِه پِررو و بِه حیا بیمی باز هم بِس بِستا باربارنگِ ره گیتمی شیمی سور سوره کاه.

باربارنگ بازی با قال اَمروزی ها خَلِه هیجان داشته. واقعا از این کار لِذّت وردمی و کِفْ کردمی. 

                 باربارنگ بازی کِف دا، نهیمی سِر                           اَندِه بازی کِردمی اِفتاب بیبو جِر

این نِم بارِم که، باربارنگ جِه فَقِط کا نَکِردِمی وَلکِه در کارای خِنِه هِم شِه پییر و مار ره کومِک 

کِردمی مِثلِ بیاردنِ چَردِه، علف، سنگ، او از چشمه سر و ...  

    

کلیک کن، بزرگتر ببین               

موافقین ۰ مخالفین ۰ ۹۵/۰۷/۰۹
دوستعلی علیخانی

باربارنگ بازی

نظرات  (۰)

هیچ نظری هنوز ثبت نشده است

ارسال نظر

ارسال نظر آزاد است، اما اگر قبلا در بیان ثبت نام کرده اید می توانید ابتدا وارد شوید.
شما میتوانید از این تگهای html استفاده کنید:
<b> یا <strong>، <em> یا <i>، <u>، <strike> یا <s>، <sup>، <sub>، <blockquote>، <code>، <pre>، <hr>، <br>، <p>، <a href="" title="">، <span style="">، <div align="">